Hackerat dështojnë në piratimin (thyerjen) e makinave të votimit braziliane

Makinat Braziliane te Votimit

Nga data 10 deri më 13 nëntor qeveria e Brazilit organizoi një konkurs publik për të testuar rezistencën e makinave të saj të votimit. 38 pjesëmarrësit në konkurs vinin si nga kompanitë private IT ashtu edhe profesionistë nga sektori shtetëror, përfshirë forcat e policisë federale braziliane. Pjesëmarrësit u ndanë në 9 skuadra dhe tentuan qasje të ndryshme për të thyer softuerin e instaluar në makinat e votimit, madje janë tentuar ndërhyrje fizike në etapat e mëtejshme të procesit. Të gjitha përpjekjet dështuan (përveç një ndërhyrje të vogël, e cila nuk kishte aspak ndikim në rezultatin final të zgjedhjeve). Të gjitha vëzhgimet e bëra nga ana e pjesëmarrësve dhe nga vëzhguesit e projektit do merren parasysh për përmirësimin e procesit.

Makinat e votimit braziliane përdorin Linux.

Ne, shokët e Krokodilit, mezi presim që këto makina të importohen edhe në Shqipëri.