Barack Obama
Një francez, që policia thotë se ka piratuar llogaritë Twitter të presidentit amerikan Barack Obama dhe njerëzve të tjerë të famshëm, mund të përballet me burgun.
I papuni 25 vjeçar u arrestua të martën pas një operacioni shumë mujor, të kryer nga policia franceze dhe agjentë të FBI-së.
25 vjeçari thuhet të ketë piratuar faqen ueb të mikro-ditarit elektronik, thjesht duke hamendësuar fjalëkalimet e përdoruesve.
I dyshuari raportohet të ketë synuar edhe njerëz të tjerë të famshëm, përfshirë Britney Spears.
Pas marrjes në pyetje nga policia, ai u urdhërua të paraqitet në gjykatë në qytetin qendror francez të Clermont-Ferrand në 24 Qershor.
Piratimi i një baze të dhënash në Francë përbën krim dhe mund të dënohet deri në dy vjet burg.
I dyshuari, i cili përdori pseudonimin “Pirati Kroll”, nuk kishte trajnim specialisti, Adeline Champagnat, kreu i zyrës qendror franceze kundra mashtrimit elektronik, i tha agjencisë së lajmeve Reuters.
Ai fitoi lejekalim te llogaritë Twitter thjesht duke hamendësuar përgjigjet e pyetjeve të rikujtuesit të fjalëkalimeve në llogaritë e postës elektronike të viktimave, sipas hetuesve.
Nuk është e qartë nëse pirati ka postuar ndonjë gjë në faqen Twitter të z. Obama.
Herë të shfletuara: 1222
