19.04.2014
Të fundit

Rifillon programimi i Firefox për Windows 64-bit

firefox 1

Në nëntor, Mozilla vendosi të mbyllë zhvillimin e shumëpritur të versionit 64-bit për Windows të shfletuesit të saj Firefox. Në atë kohë, inxhinieri i Mozilla Benjamin Smedberg tha se arsyeja për anulimin ishte për shkak të shtesave të palëve të treta, që nuk kanë versionin 64-bit.

Ky vendim nuk u pëlqye nga shumë përdorues të Firefox-it dhe me sa duket kjo nuk i pëlqeu as ekipit të Mozilla. Në një postim të ri këtë javë në faqen e Mozilla, Smedberg pranoi se “ka pasur reagime negative” për të anuluar Firefox 64-bit për Windows.

Smedberg ka ndryshuar mendjen dhe tani ka deklaruar: “Unë besoj se mund të mbajmë një grup përdoruesish të lumtur, duke bërë një modifikim të planit origjinal.”

Versioni 32-bit Windows i Firefox-it do të vazhdojë të testohet për t’u siguruar që punon për çdo version 64-bit të Windows, sipas Smedberg. Siç është raportuar edhe më parë, shumica e përdoruesve të Windows 7 dhe Windows 8 po përdorin versionin 64-bit të këtyre sistemeve operative. Smedberg tha: “Shpresoj se projektuesit dhe zhvilluesit, të cilët janë të interesuar në win64 do të punojnë së bashku për të ruajtur këtë konfigurim të ndërtuar.”

(Herë të lexuara: 88)

About Parid Plaku